Fotoja ikonike te Qafa e Muzinës: kali rastisi aty apo e çoi kush?

Burim Myftiu, fotografi i njohur kosovar që ka realizuar foton ikonike të një kali te lapidari partizan në Qafën e Muzinës, ka shpjeguar se si mundi të nxjerrë nga aparati i tij pamjen e rrallë

Mos vetë kali ishte te shkallët e lapidarit kur ai bëri shkrepjen unike?

Ndoshta po, pasi është një terren me lopë e kuaj që kullosin atypari, por jo. Ai, në një bisedë me Ben Blushin mbi artin e fotos, pjesë e librit “41 Sekrete”, thotë se ishte vetë ai që e çoi kalin aty për bërë të mundur realizimin e fotos.

“Si e gjete kalin mbi lapidar, e pyeta.

Me siguri ti i ke thënë dikujt që ta vendoste aty për ty, që ta fotografoje.

Pak a shumë po, tha Burimi, sepse kali nuk kishte pse të hipte në atë vend.

A quhet hipja e kalit mbi shkallët e lapidarit një “decisive moment”, e pyeta.

Në foto duket sikur është një “decisive moment”, sepse askush nuk e di që kalin aty e hipa unë, tha Burimi”. /sarandacity.al/