Kryeministri Rama ka përçuar ndarjen e thellë mes tij dhe Arben Ahmetajt, ndër më të përfolurit e korrupsionit rilindas, i cili nga maja përgjegjësish pushteti, dy herë ministër, tashmë është vetëm një deputet i thjeshtë.
Iu hoq gjithashtu dhe të qënit drejtues politik i Qarkut Vlorë.
Rama ka kthyer një përgjigje të hidhur në lidhje me frazën po ashtu të hidhur të Ahmetajt në Opionin, i cili tha se ai(Rama) duhet të bëjë kryeministrin e jo gjykatësin.
“Nëse do kisha bërë rolin e gjykatësit, gjërat do kishin qenë shumë më keq për ata që duan që unë të bëj gjykatësin”, tha Rama në një prononcim për gazetarët nga selia e PS-së.
Është e qartë tashmë, pas kësaj deklaratë, se dhe Rama ka një bindje mbi “bërjen pis” të Ahmetajt, një ndër emrat kryesorë në aferën e Inceneratorëve. /sarandacity.al/
