Duket se i ka ardhur fundi sagës së mbajtjes mbyllur të Qafë Botës nga ana e qeverisë greke. Kjo, pasi presionit të madh të vetë grekërve, këndej dhe andej kufirit, deri me lutje e përgjërime.
Deputeti i Demokracisë së Re, Vassilis Giogiakas, shprehet në thespro.gr se “në takimin e sotëm i me Ministrin e Shtetit George Gerapetritis, na u dha një angazhim i qartë për rihapjen e Doganës së Mavromatit, duke nisur nga e hëna nga ora 8.00 paradite deri në orën 16.00 pasdite. Dogana do të jetë e hapur edhe për kalimin e kamionëve”.
Deputeti në fjalë, së bashku me Kryetarin e Bashkisë së Filiatit, Spyros Pappas, i cili ishte në takim, tha se “ne falënderojmë ministra, Gerapetritis, Hardalia dhe Oikonomou si dhe Arkoumaneas nga EODY, i cili iu përgjigj një kërkese të kahershme të rajonit tonë”.
Kujtojmë se ditë më parë, drejt Athinës, më saktë drejt kryeministrit Mitsotakis, mbërriti dhe një lutje nga Finiqi, nga kryebashkiaku Kristo Kiço, i cili kërkonte me ngul hapjen e Mavromatit, në shqip Qafë Botës. /sarandacity.al/
