Reshjet e dendura gjatë natës kanë patur si pasojë dhe probleme në qarkullimin e automjeteve, pasi në disa akse ka patur rënie gurrësh në rrugë.
Autoriteti Rrugor Shqiptar(ARRSH), thotë se kjo ka ndodhur dhe në Sarandë por pa thënë detajisht se ku, në ç’vend.
“Reshje shiu me intensitet mesatar kanë vazhduar gjatë natës pa sjellë probleme me qarkullimin e mjeteve.
Ka pasur rënie gurësh ose inertesh në disa zona, si në zonën e Poçemit, Gjirokastrës, Sarandës dhe në zonën e Murrashit në aksin Elbasan-Librazhd.
Grupet e patrullimi kanë bërë pastrimin e akseve në kohë.
Kontraktorët e mirëmbajtjes janë në terren për mbarëvajtjen e akseve.
Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë”, shkruan ARRSH.
Kujtojmë se më e fundit pasojë nga reshjet në Sarandë është shembja e urë-kanalit “Thoma Filipeu” në Finiq, ndodhur në fillim të këtij viti. /sarandacity.al/
