Një ditë para nisjes së vitit të ri akademik, rektori i Universitetit të Tiranës Artan Hoxha u ka bërë sërish thirrje studentëve të tregohen të kujdesshëm dhe të zbatojnë masat anti-COVID.
“Pas shumë vështirësive të shkaktuar nga virusi COVID-19, ne po kthehemi në auditorë për të vijuar mësim normalisht, një vendim i vështirë por i duhur me bindjen e plotë se ju do të tregoni përgjegjësinë dhe përgjegjshmërinë maksimale për të vazhduar procesin e vaksinimit dhe zbatimin e masave të tjera mbrojtës ndaj virusit”, u shpreh Hoxha.
Ndaj, ai u ka bërë thirrje të gjithë studentëve t’i drejtohen pikave të ngritura të vaksinimit pranë Universitetit të Tiranës.
“Mbarëvajtja e këtij viti akademik do të varet shumë nga sjellja jonë në raport me masat mbrojtëse ndaj ju drejtohem të gjithëve për të qenë të kujdesshëm në respektimin e këtyre masave.
Përpara jetës, asgjë tjetër nuk ka rëndësi. Ju bëjë thirrje t’i drejtoheni qendrave të vaksinimit të ngritura në çdo njësi kryesore të Universitetit të Tiranës, bashkë do ia dalim”, tha ai.
Ishte parashikuar që viti i ri akademik të niste më 11 tetor, por me kërkesë të Konferencës së Rektorëve, u përcaktua data 18 tetor, dhe kjo me qëllim vaksinimin masiv të studentëve. /sarandacity.al/
