Gati e pabesueshme: kur duhej të përfundonte Kardhiq-Delvinë (dokumenti)

Në një prej takimeve të para njohëse, atë me gazetarë, kandidatja socialiste Anila Denaj ngriti supet në lidhje me afatin përfundimtar të dorëzimit të rrugës Kardhiq-Delvinë, e cila, me shtimin e fluksit të turistëve në vitet e fundit ka marrë një rëndësi të veçantë si domosdoshmëri.

Në fluksin e shtuar, Qafa e Muzinës është bërë edhe më torturë.

Denaj tha se do fondet janë dhënë; pra, aspekti financiar i rrugës është mbyllur, porse nuk ishte në dijeni të vijimit të punimeve, se në ç’fazë janë, e ç’është më kryesore, se kur do përfundoja rruga e shumëpritur dhe e shumëkërkuar.

Nga ana tjetër, as Rama, gjatë qëndrimit ditë më parë në Sarandë, nuk ishte në kanterin e rrugës e as e promovoi si një vepër në pritje.

Por duhet thënë se sido-sido, qeverisja e tij pritet ta bëjë realitet, pas shumë e shumë ngërçeve të natyrës investuese.

Për herë të fundit, nga Rama është dhënë si afat tetori 2021, si koha kur rruga do jetë aktive.

Por kur duhet të përfundonte kjo rrugë?

Sipas një dokumenti shtetëror të ish-qeverisjes së Berishës, në 2010 do duhej të qe aktive. Sot jemi 11 vjet më pas dhe ngjan gati e pabesueshme se si afati është shkelur me më shumë se një dekadë.

Rruga nisi nën qeverisjen Berisha, e me gjasë do përfundojë në atë Rama, ngjashëm me vepra të tjera infrastrukturore, apo dhe procese politike, ku e nis njëra palë, e vijon tjetra, dhe varet më pas se kush e përfundon. /sarandacity.al/