Kryedemokrati Lulzim Basha mblodhu grupin parlamentar të PD-së, ku, në parapërgatitje për të nisur sulmin ndaj mazhorancës, ka kërkuar ngritjen e tre komisioneve hetimore.
Ai a kërkuar komision hetimor për të ashtuquajturën prej tij “masakër zgjedhore” të 25 prillit, komision për çështjen “Becchetti”, si dhe për Iceneratorët.
“1-Komision hetimor për Masakrën Zgjedhore, qe u konfirmua edhe nga raporti i OSBE/ODIHR. Parësore për këtë komision hetimor do të jetë vjedhja e të dhënave private dhe personale të shqiptarëve, keqpërdorimi i aseteve dhe funksioneve publike, abuzimi me fondet e rindërtimit për qëllime elektorale, abuzimi me legalizimet në këmbim të votës. Punësimet e paligjshme në administratën publike dhe blerjen e votës.
2- Komision hetimor për çështjen Beçhetti. Lufta personale e Edi Ramës me sipërmarrësin italian do t’u kushtojë qytetarëve më shumë se 120 milionë euro.
3-Komision hetimor për Inceneratorët, një aferë mafioze, kriminale që përfshin zyrtarët më të lartë të shtetit shqiptar. Kallëzimet tona penale vazhdojnë të zënë pluhur nëpër prokurori”, deklaroi Basha.
Për Masakrën Zgjedhore, komisionin do kryesohet Enkelejd Alibeaj, për “Becchetti-n” është zgjedhur Gazment Bardhi, ndërsa për Inceneratorët do të jetë Jorida Tabaku. /sarandacity.al/
