Teksa dje i ka komunikuar Flamur Nokës shkarkimin nga posti i zv. kryetarit të Komisionit të Sigurisë në Kuvend, Lulzim Basha adresoi disa akuza shumë të forta për deputetin në fjalë, i cili është pjesë e grupit të Berishës.
“Nokës i kam komunikuar shkarkimin, nuk e kam përjashtuar por e kam paralajmëruar, nuk mundet PD që ka kundërshtar dhe armik Ramën dhe regjimin e tij të mbahet peng nga sajesa dhe shpifje dhe keqinformime që na devijojnë nga detyra jonë kryesore që është lufta ndaj regjimit”, tha Basha.
Basha tha se llumi i PD e dinë shumë mirë kush janë dhe çfarë pazaresh bëjnë me Ramën.
“A ka pasur llum në kohën e qeverisjes së PD? Padiskutim që po. Një pjesë e kemi pastruar, një pjesë nuk ia kemi dalë dot ta pastrojmë. Ky është një moment fondamental i ndryshimit. Bishtat e korruptuar të ish-qeverisjes tonë, një pjesë e kemi pastruar por dhe një pjesë kanë mbetur, demokratët e dinë kush janë”, tha më tej Basha. /tesheshi.com/
