Në Himarë ndodhi ajo që mund të quhet tragjedia më e rëndë e këtij sezonit, vdekja e një fëmije 5 vjeç, i goditur nga një gomone që bënte xhiro në bregdet. Ndodhi kjo në plazhin e Potamit.
Deklarata e policies thotë se “sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.
Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”.
Prej vitesh, gomonet, skafet dhe motorrët e ujit, janë shndërruar në ankth për pushuesit në bregdetin shqiptar, pasi kanë sjellë shumë aksidente me pasoja.
Mësohet se drejtuesi i mjetit, autori i ngjarjes, është ish-shefi i komisariatit të Himarës, Arjan Tase. /tesheshi.com/
