Greqi, arrestim antivaksinuesve: Kërcënojnë jetën e njerëzve!

Prokuroria greke do të urdhërojë arrestimin e antivaksinuesve që u bëjnë thirrje qytetarëve të mos vaksinohen ose që nuk përdorin shërbime mjekësore.

Arsyeja është se ata rrezikojnë jetën e tyre dhe jetën e të tjerëve.

Kështu, hyri në fuqi një dispozitë e re e Kodit Penal për shpërndarjen e lajmeve të rreme.

Avokati Nicos Antoniadis, i cili ishte në krye të fushatave kundër vaksinimit për një kohë të gjatë, është arrestuar të enjten, i cili akuzohet për përhapje të lajmeve të rreme dhe nxitje të mosbindjes, raporton Kathimerini.

Arrestimi i tij është bërë me urdhër të prokurorisë së Athinës, e cila prej kohësh po kryen hetimet përkatëse për veprimet e antivaksistit.

Antoniadis, i cili që atëherë është liruar nga paraburgimi, pretendon se pacientët me COVID-19 ishin intubuar pa asnjë arsye dhe se vaksinat kishin pasoja për shëndetin e pacientëve.

 Në Itali

Policia italiane ka kryer një kontroll mbarëkombëtar ndaj 17 antivaksistëve, të cilët raportohet se ishin të lidhur me një grup chat-i në rrjetin social “Telegram”, që mbështeste dhunën ndaj personaliteteve qeveritare, mjekësore dhe mediatike.

Policia në Torino njoftoi se grupi i bisedës “Basta Dittatura” (Mjaft me diktaturë) kishte dhjetëra mijëra anëtarë dhe se ishte forumi kryesor për organizimin e protestave kundër certifikatës dixhitale italiane të COVID.

Policia tha në një deklaratë se ata kishin ndjekur grupin tashmë të mbyllur të bisedës në Telegram për javë të tëra dhe kishin identifikuar 17 antivakserë, të cilët, ndër të tjera, kërcënuan kryeministrin italian Mario Draghi.

“Objektivë të tjerë të kërcënimeve ishin pjesëtarë të policisë, mjekë, shkencëtarë, gazetarë dhe personazhe të tjerë publikë të akuzuar për, siç thuhet, skllavërim dhe bashkëpunim me diktaturën në terren”, thuhet në deklaratë.

Festivali Ndërkombëtar i Filmit në Selanik mori një kthesë të papritur kur antivaksuesit u shfaqën para teatrit ku do të fillonte ceremonia e ndarjes së çmimeve, duke dërguar mesazhe të turpshme për spektatorët dhe stafin e festivalit.

Protestuesit përfundimisht u larguan pasi hodhën fletëpalosje të shumta. /sarandacity.al/