Greqi: si do ndëshkohen të pavaksinuarit, sidomos te mosha e tretë

Nga 17 janari, Greqia synon të gjobisë të gjithë njerëzit në moshë 60-vjeç e sipër që nuk janë vaksinuar ende ndaj COVID-19, në përpjekje për të nxitur nivelet e imunizimit dhe ulur presionet tek kujdesi shëndetësor.

Kryeministri Kyriakos Mitsotaiks, i tha të moshuarve se mënyra më e thjeshtë për të shmangur penalitetin është vaksinimi.

“Për ata pak banorë mbi 60-vjeç që nuk janë vaksinuar ende, unë ju inkurajoj ta bëni”, tha ai në fundjavë.

“Nuk është çështja tek gjoba, pavarësisht se do të vendoset, ai është problemi më i vogël. Mbroni jetën tuaj dhe njerëzve të afërt përmes vaksinës”, shtoi shefi i qeverisë greke.

Autoritetet vendit fqinj se të pavaksinuarit kanë rrezik të lartë të shtrimit në spital. Thuajse 9 nga 10 vdekje koronare në Greqi kanë ndodhur tek personat në moshë 60-vjeç e sipër, ndërsa 7 në 10 prej atyre të shtruar në spital nga virusi, i përkasin kësaj grupmoshe. Prej tyre, 8 nga 10 janë të pavaksinuar.

Përpara se të lajmërohej vaksinimi i detyruar në nëntor, rreth 520,000 të moshuar në Greqi nuk kishin  marrë ende vaksinën, sipas Minsitrisë së Shëndetësisë. Që prej atëherë, 220,000 të moshuar janë imunizuar dhe prej 300,000 individët e mbetur, disa do të mund të përjashtohen për arsye mjekësore. Pjesa e mbetur do të gjobitet me 100 euro në muaj.

Penaliteti do të vendoset nga autoritetet tatimore greke në mënyrë direkte tek ata që nuk janë vaksinuar dhe fondet e mbledhura do t’u jepen spitaleve që luftojnë pandeminë.

Zëdhënës të qeverisë thonë se në këtë pikë qeveria ka shteruar çdo mjet të bindjes për t’u vaksinuar. /sarandacity.al/