Greqia njoftoi se do të hapeshin kufijtë për punëtorët sezonalë shqiptarë të cilët punojnë në territorin e saj gjatë verës.
Mirëpo, ka lënë në fuqi vendimin për të mbajtur mbyllur kufirin deri më datë 31 maj 2021, duke mos lejuar shtetasit e tjerë shqiptarë të futen në territorin e vendit, përveçse atyre që kanë dokumenta.
Pika e vetme kufitare me Greqinë që do të vijojë të jetë e hapur është ajo e Kakavijës, e cila do të punojë nga ora 07.00 deri më 19.00.
Në këtë fashë orari do të lejohen deri në 400 persona në ditë, të cilët kanë leje qëndrimi ose nënshtetësi greke.
Vlen të thuhet se ky vendim mbetet në fuqi vetëm për Shqipërinë, ndërsa për shtetet e tjera të BE-së, Greqia i ka hequr të gjitha kufizimet në pranimin e turistëve.
Ndodh kjo ndërsa Shqipëria ka treguesit më të mirë COVID, si për nga niveli i ulët i infektimeve e si nga niveli i lartë i vaksinimeve. /sarandacity.al/
