Nga kjo e shtunë është stopuar lëvizja e trageteve të linjës Sarandë-Korfuz dhe anasjelltas dhe deri ditën e hënë situata do jetë e tillë, raporton ABC News. Kjo pasi sipas burimeve nga pala greke e Korfuzit, punonjësit shëndetësorë që bëjnë tamponët në port janë futur në një grevë për 48 orë, pasi u ka mbaruar kontrata e autoritetit shëndetësor.
Ndaj, një nga agjencitë, udhëtarët e vet që ishin pajisur me biletë i ka transportuar me autobus nga Qafë Bota.
Por nuk është ky i vetmi problem. Qytetarëve që kishin prerë biletat u janë kthyer lekët, por ata shprehen të shqetësuar se kërkojnë edhe lekët e tamponit, kjo për faktin se ky tampon është i pavlerë. /sarandacity.al/
