Gurma, një kërkesë njeriut të Erdoganit në Shqipëri

Saranda mund ta ketë binjakëzimin më të fundit me Bodrumin e Turqisë, një ndër qytetet bregdetare në jugun e vendit të madh europiano-aziatik, i lagur nga Deti Egje, vend i shumë plazheve me famë, si dhe i një trendi zhvillimor të ngjashëm më Sarandën, pasi deri vite më parë ishte i keqzhvilluar, derisa ndryshoi kahje për mirë dhe sot është një pikë referimi për plazhet turke.

Këtë ka kërkuar kryebashkiaku Gurma në një takim që ka patur me ambasadorin turk në Shqipëri.

“Kryetari i Bashkisë Adrian Gurma priti Ambasadorin e Turqisë në Tiranë z.Murat Ahmet Yörük.

Në takim u diskutua për forcimin e bashkëpunimit, në fushën e turizmit e të ekonomisë, si dhe mundësinë e binjakëzimit të Sarandës, me qytete me profil të ngjashëm në Turqi”, thuhet në njoftimin zyrtar.

Nëse ndodh, ky do ishte binjakëzimi i parë i Sarandës me një qytet turk.

Kujtojmë që Saranda është përplot binjakëzime, ku i pari është me Korfuzin në 1992.

Kanë pasuar binjakëzime me Riccione-n, Larnakas-in, Otranto-n, Weitz-in në Austri, Suharekën, Gjakovën, Tropojën, me  Stavropulisin në Selanik etj.

Është më proces binjakëzimi me Sozopolin në Bullgari. /sarandacity.al/