Gushti do ikë, po vapa? Një parashikim për vjeshtën nga AccuWeather

Ky gusht, së bashku me vapën në kufijtë e të padurueshmes, sido sido do ikin një ditë.

Por patjetër që të gjithë do të donin temperatura më të buta gjatë vjeshtës.

AccuWeather ka publikuar parashikimin e vjeshtës për këtë vit.

Sa i përket reshjeve, gjurmët e stuhisë që dominuan pjesën veriore të kontinentit do të shkojnë ngadalë në jug, gjë që do të jetë një lehtësim për disa pjesë të Gjermanisë, Belgjikës, Holandës, Luksemburgut dhe Francës.

Nxehtësia e madhe nga vera duket se do vazhdojë në jug të Italisë dhe Ballkanit, veçanërisht në fillim të vjeshtës.

Valët e të nxehtit janë gjithashtu të mundshme gjatë gjysmës së parë të vjeshtës në Ballkan dhe Greqi.

Kushtet e nxehta dhe të thata në fillim të sezonit do të lejojnë që zjarret në pyje që kanë shkatërruar deri fshatra në pjesë të ndryshme të Gadishullit Ballkanik të vazhdojnë deri në vjeshtë, sipas kësaj faqeje.

Sasitë më të mëdha të shiut priten në fund të tetorit dhe fillim të nëntorit.

Sipas njoftimit, kërcënimi i përmbytjeve do të përhapet nga Italia në Ballkan.

Temperaturat mesatare që priten në Ballkan dhe Greqi do jenë rreth 29-32 dhe midis 16 dhe 21 gradë. /sarandacity.al/