Drejtues të një kompanie austriake eventesh të mëdha, vizitoi për herë të parë Sarandën, Ksamilin, Butrintin, duke tentuar të vendosin kontake me disa qytetet turistike shqiptare, me qëllim shtrirjen e aktiviteteve të tyre, një përvojë shumëvjeçare në organizim eventesh me fokus turizmin dhe tërheqjen turistike.
Kryebashkiaku Gurma përcolli mbresat në takimin me ta:
“Në një takim me një grup të kryesuar nga Marcus Wild, drejtues i kompanisë austriake ‘Ideal Live Marketing’ dhe ekspertë të saj e të ‘Primes Albania’.
Biseduam me ata, mbi mbarëvajtjen e sezonit turistik, eventet e organizuara, mbi mundësinë për të asistuar në organizim aktivitetesh, festivalesh verore apo lojrave sportive të ujit që i duhen Sarandës dhe turistit të saj, si dhe në hartimin e një oferte turistike rajonale gjithëpërfshirëse, duke integruar edhe bashkitë fqinje në rajon”.
Dyshja austriake shoqërohej nga ish-Miss-i shqiptar Genta Ramadani, e cila punon me këtë kompani prej 15 vitesh në fushën e komunikimit dhe marketingut.
Ata zhvilluan dhe një takim informues e idepërçues me një përfaqësi qytetare nga Saranda, si pikënisje e një bashkëpunimi në të ardhmen e afërt. /sarandacity.al/
