Saranda përjetoi mbrëmjen e së mërkurës të parën përvojë të një dekori festiv në shëtitore, për festat e fundvitit, të tipit alla Korçë, aty ku ka një traditë të kësillojshme, por që tashmë po përhapet dhe në qytete të tjera. Fjala është për dekore festive me elementë shërbimesh, siç janë kioskat e drunjta, të cilat shërbejnë produk kulinar ose lëndor, siç janë dhuratat apo punimet e ndryshme artizanale.
Aty është dhe bredhi shtatgjatë, aty dhe karroca e tërhequr nga drerë, tuneli vezullues, lodrat për fëmijë, një kënd fotografik etj. Vitet e kaluara, ky dekor ishte i ndarë mes shëtitores dhe qendrës së qytetit, por oa mundur dot të tërheqë masa të mëdha njerëzore siç këtë vit.
Shëtitorja e mbrëmjes të së mërkurës të kujtonte kohën e sezonit: ishte plot.
Si natë e parë ishte e suksesshme, matur nga interesi i madh publik; familje sarandiote që konsumojnë orët e mbrëmjes mes katër mureve, ishin jashtë, si rrallë ndonjëherë në këtë stinë, duke iu gëzuar atmosferës së re të krijuar këtë vit. /sarandacity.al/
