Ish-efektivi Arjan Tase, njeriu që shkaktoi tragjedinë në plazhit e Potamit në Himarë duke vrarë me gomone një 7-vjeçare, u ka thënë hetuesve se mjeti kishte marrë vetë gaz, pasi ishte defektuar. Por ky version rrëzohet nga dëshmitarë okularë që thonë se ai bënte manovra të rrezikshme me gomone.
Mjeti ishte parkuar në bregdet, mes plazhistëve. Aty ka qenë dhe fatkeqja Joanda Avdia, e cila u godit nga helikat e dy motorrëve të gomones në nisje.
Një ditë më pas, vendi ku ndodhi tragjedia e rëndë është braktisur plotësisht nga pushuesit.
Gazetarja Esmeralda Keta e cila ka qenë e praninshme rastsëisht në vendngjarje si pushuese, postoj këto foto dhe shkruan:
‘”Mëngjes i trishtë sot në Potam… Një kukull që pret vajzën e vogël të luajë me të, një lule për lulejetën e re që nuk e mbrojtëm dot, rrobat e familjarëve ende mbi shezllonë dhe plazhi krejtësisht i braktisur… Ikën të gjithë, ikën të shpëtojnë fëmijët e tyre, sepse nuk ditëm t’u krijojmë një vend të sigurte. Sot të gjithë jemi fajtorë, e pafajshmja u bë engjëll”. /tesheshi.com/
