Historia e Farit grek që i “shkel’’ syrin Sarandës

Sot, në ditën ndërkombëtare të Farit, është e veçantë dhe mjaft interesante të marësh informacion për një Far, apo të paktën për ata që ndodhen në detin Jon. Një i tillë ndodhet përballë Sarandës dhe në ndarjen e ujrave teritorialë midis Shqipërisë dhe Greqisë. Është Fari në ishullin e Pëllumbave, që i përket Greqisë, rreth një milje larg ishujve të Ksamilit.

Ai ka pothuajse 200 vjet që i “shkel’’ syrin Sarandës…

Është pothuajsi nga më të vjetrit, për të mos thënë më i vjetri i gjithë Greqisë. Nga 120 Fare që ka Greqia, ai i ishullit të Pëllumbave filloi të ndërtohet rreth vitit 1822 nga anglezët, kur Korfuzi ose shtatë ishuj e Jonit ishin nën pushtimin dhe juridiksionin e Anglisë. Ai u vendos në funksionim në vitin 1826.

Kulla e Farit ka një formë cilindrike dhe një lartësi prej 17 m. Aty pranë ka disa dhoma me hapësira ndihmëse. Më 1941 u shkatërrua nga gjermanët dhe u rihap në 1945.

Sot ky Far nuk monitorohet dhe ndriçuesi i tij është zëvëndësuar me një semafor automatik, që ka shikushmëri të qartë, të paktën prej pesë milje detare.

Ndër shekuj udhëtimi i anijeve bëhej i mundur vetëm kur kishte hënë të plotë…Ngushtica e Korfuzit ishte një nga kalimet e rëndësishme që lidhte Venecien dhe brigjet italiane me Afrikën…

Adriatiku mbaronte në Otranto dhe anijet lundronin drejt Jonit duke mos iu ndarë bregut…deri sa filluan të vihen në përdorim fenerët për sigurinë e transportit dhe të lundrimit….

Sot Fenerët janë kthyer në një destinacion të rëndësishëm turistik. Disa vende si SHBA dhe Britania kanë promovuar në mënyrë të konsiderueshme këtë lloj turizmi, duke sjellë përfitim, si për vendet e tyre, ashtu edhe për komunitetin lokal pranë fenerëve.

Shkruar nga Piro Naçi

Tags: Kryesore