Edhe njëherë, humbjen e thellë në Lokalet e pjesshme, kësaj herë dhe ndaj Berishës që përfaqësohej me “Shtëpinë e Lirisë”, kryedemokrati Basha e ka justifikuar me të njëjtat teza politike.
“Banda” e “krimi”, ishin pjesë e deklarimeve të tij.
“E kam bërë të qartë që 6 marsi ishte anomali e një anomalie, ishin zgjidhjet moniste të qershorit, që 4 kryebashkiakët monistë ishin me rekorde kriminale….”
“Bandat janë përfshirë po ashtu…”, tha Basha, duke konkluduar madje: “Unë nuk kam humbuar asnjë garë në jetën”.
Ai tha se do vijojnte drejtimin e PD-së, paçka kësaj disfate që për të nuk ishte disfatë.
“Jam i gatshëm të jap nga vetja ime për të vazhduar dhe për udhëhequr PD-në dhe për të mos realizuar asnjë skenar të regjimit”.
Kështu, për të disatën herë, paçka humbjes së qartë, Basha nuk e pranon atë, duke ia faturuar rezultatin faktorëve jashtë kutisë së votimit.
Kujtojmë: në zgjedhjet për 6 bashki, PD nuk fitoi asnjë.
Më keq akoma, Berisha, me trukun e tij “Shtëpia e Lirisë”, arriti të marrë Shkodrën. /sarandacity.al/
