Hydra greke me kuaj e gomerë: ja pse jemi larg turizmit elitar

Ishulli i Hydra-s është vetëm një orë me varkë nga Athina. Është tipik prej atyre vendeve që mishërojnë turizmin elitar, atë që ne e synojmë por që s’ja arrijmë dot.

Po çfarë ka të veçantë aty?

Ky është një nga ishujt e paktë në Detin Mesdhe ku, përveç kamionëve të plehrave dhe ambulancave, nuk ka automjete motorike. Kjo është arsyeja pse ka kuaj dhe gomerë, ndaj dhe këto kafshë janë mjeti i vetëm i transportit

Ishulli arrihet kryesisht me traget.

Meqenëse asnjë makinë nuk lejohet në këtë ishull të pazakontë, ai është ndalur në kohë dhe është mjaft i paprekur nga dora helmuese e qytetërimit.

Kjo nuk do të thotë, megjithatë, se nuk ka jetë në Hydra. Në sezonin e pikut, gjithçka në port është plot me aktivitete. Udhëtarët, të etur për të ikur nga rutina e tyre e përditshme, nxitojnë për në ishull me shpresën për të gjetur paqen e kërkuar.

Gomerët dhe udhërrëfyesit e tyre po presin me padurim turistë të lodhur të cilët kanë nevojë për ndihmë në transportimin e bagazheve

Vetëm një shekull më parë, të gjithë ishujt grekë ishin të ngjashëm, por sot ka pak xhevahire të tillë.

Hydra arriti të ruajë atë hijeshinë e vjetër me të cilën shumë artistë me famë botërore si Henry Miller, Sofia Loren ose Mick Jagger u dashuruan, por ndoshta lidhja dhe dashuria më e fortë për këtë vend u shpreh nga muzikanti Leonard Cohen.

Hydra ishte parajsa e tij e vogël dhe shtëpia prej guri e shekullit të 19-të që bleu për 1.500 dollarë u bë një burim i pashtershëm frymëzimi dhe një vend ku ai preferoi të jetonte dhe të krijonte.

Arkitektura në ishull është një pasojë e drejtpërdrejtë e kësaj, kështu që në vitet ‘50 të shekullit të kaluar, ajo detyroi elitën e pasur të pushtonte fjalë për fjalë ishullin. Sot, vizitorët në ishull përshëndeten nga mace dhe pelikanë të shumtë, por edhe taverna unike, dyqane të markave të ndryshme si dhe jetë nate.

Kur lexon këtë përshkrim, ahere kupton se sa larg jemi ne nga ky lloj turizmi unik. Edhe ne kemi ishuj, siç janë ato të Ksamilit, e jo vetëm s’është menduar të jenë oaze për thithje elitash, por po kafshohen nga interesa private lakmimtare deri në degradim. /sarandacity.al/