Paralel me zhvillimi e një Kuvendi demokrat të thirrur nga Berisha në Air Albana, ky i fundit, nga selia zyrtare, është cilësuar si “hije e së shkuarës” nga pasardhësi Basha.
Ne nuk mund të injorojmë, atë çka po ndodh aktualisht me një pjesë të familjes tonë. Ndaj dua t’i drejtohem demokratëve të mërzitur të zhgënjyer, e njoh dhe e kam prekur zhgënjimin tuaj.
“Nga Tropoja në Sarandë, jemi takuar kemi votëbesuar jo një karrige, por prirjen në betejën frontale të kauzave shqiptare për ndryshim. Të një beteje ku demokratët do të prijnë me vlera, me parime, për të mirën e Shqipërisë dhe shqiptarëve.
Ndaj, hijet e të kaluarës nuk duhet t’ju turbullojnë. Kulti i individit që tërhoqëm zvarrë 31 vite më parë, nuk mund dhe nuk do të ringrihet më.
Jam sot jo si një njeri që përpiqet të shtojë radhët e njerëzve të tij, ky është përkufizimi bolshevik.
Jo përmes mendësisë të së shkuarës, por përmes parimeve që kanë formësuar shoqëritë e lira të SHBA dhe Europës”, tha Basha në një mesazh në kuadër të 31-vjetorit të themelimit të PD-së.
“Unë nuk jam një udhëheqës që kërkon ndjekës, por udhëheqës që frymëzojnë udhëheqës”, e cilësoi ai veten. /sarandacity.al/
