I lëshoi ujin qytetit për herë të fundit, bamatatasi që u shua sot në Delvinë

Një punonjësi i Ujësjellësit të Delvinës është gjetur i pajetë në ambientet e punës.

Jetëhumburi është Luan Mushi, 50 vjeç, banor i Bamatatit dhe baba i dy fëmijëve.

Sipas informacioneve të para, punonjësi kishte shkuar te depoja e ujit për të hapur ujin në orarin e përcaktuar, por ai është vonuar të kthehet.

Kjo ka bërë që familjarët të shqetësohen dhe të dalin për ta kërkuar. Fundi ka rezervuar dhimbje e lot: e kanë gjetur të pajetë.

Dyshimet e para janë që Luan Mushi ka pësuar arrest kardiak.

Sarandacity.al i shpreh ngushëllime familjes së të ndjerit Luan Mushi. /sarandacity.al/