PD e Sarandës ka përcjellë dedikimin e saj nekrologjik për ikjen nga jeta të aktorit Haki Spaho, shoqëruar me një foto mjaft sinjifikative, atë të një dorështrëngimi të të ndjerit me kreun demokrat Basha.
Sipas opozitës, i ndjeri ishte mbështetës i kauzave demokratike.
“Partia Demokratike dega Sarande shpreh ngushellimet e sinqerta per ndarjen e parakohshme nga jeta te artistit Haki Spaho!
Ndarja nga jeta e Hakiut, aktorit qe per vite sherbeu ne Estraden Profesioniste te Sarandes, eshte nje humbje e madhe per artin sarandiot por edhe ate kombetar.
Ikja e tij e parakohshme na pikellon edhe ne, pasi me Hakiun kemi ndare vitet e veshtira opozitare, ku ne aksionet tona ai nuk ka munguar asnjehere, si mbeshtetes i kauzave demokratike per nje Shqiperi me te mire.
Ne i shprehim ngushellimet tona familjes se tij dhe lusim Zotin qe shpirti i Hakiut te prehet ne paqe!
Lamtumire i dashur Haki!”, shkruhet nga dega lokale e PD-së. /sarandacity.al/
