Duket se transferimi i shërbimeve të kësaj godine në Gjirokastër është i pazhbëshëm.
Ministri i Drejtësisë Ulsi Manja prezantoi hartën e re gjyqësore të Shqipërisë, ku shumë gjykata rrethesh shkrihen për t’u bashkuar me të tjera.
Kështu, Saranda e Përmeti bashkohen me Gjirokastrën, pikërisht në këtë qytet.
Manja e mbrojti këtë lëvizje të re, duke thënë se kjo hartë përmbush pritshmëritë e qytetarëve.
Sipas tij, kjo hartë do të afrojë gjykatat me qytetarët, do të rrisë cilësisë dhe do të përdoren më së miri dhe burimet publike.
“Tashmë është koha e duhur që me investimet që kemi kryer për sistemin gjyqësor të përkthehet në përfitime për qytetarët. Duhet të garantojmë që qytetarët të marrin drejtësi nga një gjyqësor i pavarur dhe i paanshëm. Një nga instrumentet që kemi në dorë është harta e re gjyqësore.
Me qëllim rritjen e produktivitetit të gjykatave, sjellim këtë propozim për rishikimin e hartës gjyqësore. Është një proces i diktuar nga realiteti i sistemit, me synimin e qartë për të garantuar ruajtjen e një balance të drejtë”, tha ai.
Sipas tij, këtë realitet të ri e dikton lëvizja demografike.
“Lëvizjet demografike kanë treguar se popullsia është e përqendruar në zonat urbane, kryesisht në Tiranë dhe Ultësirën Perëndimore. Seancat nuk do të shtyhen më në periudha shumë të gjata, duke ulur kostot për qytetarët”, tha Manja.
Megjithatë, thuhet se te godinat do mbetet gjithsesi një shërbim.
“KLGJ duhet të kujdeset që në godinat ekzistuese të jetë një sportel për qytetarët që të bëjnë kërkesë paditë. Ministria ka shqyrtuar edhe garantimin e aksesit. Kjo është edhe një nga kritikat që ka pasur.
Ky propozim është balancimi më i mirë, afërsisë së gjykatës me qytetarin, rritjes së cilësisë”, arsyetoi ministri i Drejtësië.
Kujtojmë se te Rruga 3, te e cila ndodhet Gjykatë-Prokuroria e Sarandës, lulëzon dhe biznesi avokator.
Megjithatë nuk dihet ende se ç’efekte negative do sjellë për Sarandën një ndër vatrat më dinamike të saj sociale, siç është Rruga 3. /sarandacity.al/
