Deputetja opozitare e Sarandës, Ina Zhupa, edhe njëherë ka treguar se është ndër “violinat e para” të Rithemelimit, duke bërë protagonisten e fuqishme, jo aq me akte se sa me fjalime, si reagim ndaj mazhorancës në një betejë parlamentare dhe me bilbila, goditje tavolinash, madje dhe shkulje mikrofoni, në këmbënguljen për një komision hetimor që do hetonte kryeministrin Rama për lidhjet e tij me një agjent të FBI-së.
Opozita pretendon, sipas një teorie konspirative të ndërtuar sforcueshëm, se Rama ka paguar McGonigal që ky i fundit të godet opozitën, duke lobuar që Berisha të shpallet “non grata”.
Edhe pse nuk ka ndonjë fakt të dukshëm a bindës për këtë pretendim, zellshmëria opozitare për ta bërë të atë të besueshëm është në nivele sipërore. E tillë u shfaq dhe deputetja Zhupa se fundi, në seancën e së enjtes, kur doli në foltore e tha se normaliteti mund të kthehej vetëm me një kusht.
“Jemi të gjithë dakord që t’i kthehemi normalitetit, që të vijë këtu kryeministri Rama. Të diskutojë për skandalin ‘McGonigal’. Që të ngrihet një komision hetimor, që deputetët e përjashtuar në mënyrë anti-ligjore të jenë në sallë”, tha ajo.
Rama për momentin ndodhet në Japoni, ndërkohë që në seancën e 3 marsit është caktuar në mocion me debat mbi këtë çështje, me praninë e kryeministrit.
Por opozita këmnëgul për komision hetimor. /sarandacity.al/
34093 127031This really is truly intriguing, You are a really skilled blogger. Ive joined your rss feed and appear forward to seeking much more of your magnificent post. Also, Ive shared your web site in my social networks! 225315