Deputetja opozitare e Sarandës, Ina Zhupa, shfaqi së fundi zjarrminë e saj politike edhe në një përplasje “brenda llojit”. Ajo, tashmë një foltoriste, debatoi ashpër me jofoltoristen Flutura Açka, të dyja të ndodhura në Komisionin e Medias.
Copëza të debatit të nxehtë mes tyre:
Zhupa: Viti i ri, avaz i vjetër. Do të jemi komision më me shumë shkelej e më me pak logjikë se çdo komision tjetër.
Açka: Nuk ju lejoj fare me këtë gjuhë të më flisni këtu. Bëjini konkrete shkeljet. Nëse i keni me mua, kam qenë transparent e do të jem para jush e para shqiptarëve. Ndreqni gjuhën. Kur thoni shkelje e keni me mua drejtpërdrejt, është disata herë që insistoni. S’ja lejoj njeriu në botë.
Zhupa: Po me ju e kam! Do ja u them tani për çfarë janë shkeljet. Më lejoni… Kemi sot për të miratuar kalendarin, ndërkohë që siç e dini dhe në praktikën e punës, asnjë mbledhje nuk lajmërohet pa u miratuar kalendari nga komisioni.
Kështu, deputetja Zhupa shfaqet dhe njëherë nën një eufori politike, një karakteristike e saj qyshse kaloi nga kampi Basha te Berisha, shfaqur me një protagonizëm të theksuar, tashmë dhe me koleget e të njëjtit kamp politik, por të ndarë keqaz mes vetes. /sarandacity.al/
