Një incident me në qendër një gazetare të njohur dhe një polici ndodhi në Dajt, aty ku u gjet trupi i vrarë i biznesmenit Ruzhdi Hoxha.
Anila Hoxha e TCH, një ndër raportueset më profesioniste të lajmit të kronikës, një gazetare me integritet dhe në rrethin e medias shqiptare, u shty nga një polic duke bërë që për pak të binte në humnerë, ku vetëm bimësia e atyshme e ka mbajtur.
Efektivi ishte i nevrikosur nga pretendimi që mediat kishin kaluar shiritin e policisë dhe reagoi me tone të ashpra. Sipas TCH, gazetarja Hoxha ka pësuar lëndime dhe gërvishtje nga sjellja brutale e policisë.
Pavarësisht se i rrëzoi, polici nuk ofroi në asnjë moment ndihmën e tij për të ngritur gazetaren dhe operatorin që u lënduan nga sjellja e tij, shkruan kjo media. /tesheshi.com/
