Shëtitorja e re pati incidentin e parë, një goditje nga një automjet e një cilindri pneumatik pengues, por jo nga ndonjë kokëshkretë.
Ka qenë një goditje “e pafajshme” e një mjeti furnizimi, ku për policinë bashkiake, aq më pak të rendit, e cila nuk ka qenë e nevojshme të jetë prezente, nuk ka përbërë shqetësim në kuptim të arsyeve pse ndodhi. Sepse është fjala thjesht për një gabim njerëzor dhe jo për ndonë shkelje apo akt sfidimi të shtetit e rregullave publike.
Më e rëndë ka qenë pamja, gjithsesi në kohë pa lëvizshmëri të madhe, ku shëtitorja pothuajse ishte bosh, pra në orët e vapës së pasdrekës. Kjo si pasojë e derdhjes së vajit të brendshëm të cilindrit.
Në mbrëmje gjithçka është rehabilituar, me shumë pak gjurmë njollash në sipërfaqe. /sarandacity.al/ 
