Një incident ndodhi dy net më parë në shëtitore, në orët e pikut të mbrëmjes, kur një grup fëmijësh afër adoleshencës qëlluan me plumba prej zaresh, nga armë lodër, një prej shefave policorë të qytetit, me pamje civile, në pozitat e një qytetari që bënte xhiro.
Goditja nuk qe një shaka, gjë që çoi në irritimin e tij dhe më pas në ardhjen e një patrulle policore, pasi ngjashëm u qëllua dhe një grua, ku “plumbi” e zuri pas koke.
Fjala është për një fenomen shqetësues të këtyre netëve në shëtitore, ku një grup fëmijësh, e patepruar të thuhet me prirje rrugaçeske, kanë futur në veprim këtë lojë të rrezikshme, ku pra me armë lodër qëllojnë jo thjesht njëri-tjetrin por qytetarë të ndryshëm, prej të cilëve dalin zara jo të lehtë për t’u përballuar nëse goditesh prej tyre.
Është ngjashëm si ajo loja me pistoleta uji, ku pra, argëtimi fëminor por tejet i kritikueshëm, tani është zëvëndësuar me tjetër gjë, ku lagia e tjetrit tani është dhembje e tjetrit. Mos o Zot dhe dëmtim, nëse plumbi të zë në ndonjë pjesë delikate, sidozot në sy.
Atë mbrëmjë, sipas një dëshmitari dhe protagonisti në kapjen e autorëve, grupi kryesohej nga një fëmijë delvinjot me banim në Sarandë.
Ndaj ruhuni, derisa ata prindër të bëjnë zap fëmijët e tyre! /sarandacity.al/
