Gjykata greke dënoi me burgim të përjetshëm Sandër Pemën. Para pak ditësh është dhënë vendimi i drejtësisë greke për të arrestuarit e operacionit të janarit 2020 ku në Astako, Aitiloakarnania, u sekuestruan 1.2 ton kokainë që vinin nga ishujt Shën Vincent. Në bankën e të akuzuarve qëndruan 13 persona, në një gjyq që përfundoj në 9 korrik nën masa të rrepta sigurie.
Mes 5 personave të dënuar me burgim të përjetshëm ishte dhe 42-vjeçari Sander Pema, i cili në 2010 u përfshi në një përplasje të armatosur me policinë greke në Virona së bashku me Marian Kolan, i arratisur nga burgu i Trikallas dhe i vrarë më pas në kufirin greko-shqiptar. Në përplasjen e atëhershme me armë në Virona mbeti i vrarë shqiptari Nikolla Todi.
Lënda narkotike ishte ngarkuar në velieren “Barracuda Seven” në shtetin ishull ekzotik Shën Vincent të Karaibeve dhe u sekuestrua në një banesë në Astako, Greqi.
Në transportin e drogës morën pjesë edhe dy oficerë policie të infiltruar, “Triantis” dhe “Stratias”. Në gjyqin qe nisi në 19 maj dhe përfundoi në 9 korrik, dëshmuan si deshmitarë të mbrojtur edhe dy oficerët. Ata dëshmuan online nga një zyrë e Mbrojtjes së Dëshmitarëve.
Operacioni i tipit “Miami Vice” ishte i një rrezikshmërie të lartë, përballe kriminelëve që që zotëronin arsenal të rëndë armësh dhe me precedentë të rëndë penale për drogë, goditje me armë, grabitje etj. Shkatërrimi i organizatës ndërkombëtare kriminale u bë në Astako, Aitiloakarnania, pak para se sasia prej 1 ton 181 kg kokainë me vlerë 50 mln euro të hidhej në tregun e Europës dhe Afrikës veriperendimore. Truri i trafikut ishte një baron shqiptar droge, “Doktori”, sic e thërrisnin bashkëpunetorët e tij. Pas informacioneve te DEA-s, në organizatën kriminale kishin arritur të depertonin dy oficerë sekrete të policisë greke me pseudonimet “Stavros Triantis” dhe “Kyriakos Stratias”. Ata erdhën në kontakt me kreun shqiptar dhe fituan besimin e tij.
Oficeri “Stavros Triantis” në 9 nëntor 2018 hypi në velierën me flamur grek “Barracuda 7”, e cila u nis nga Alimo bashkë me shqiptarin Arber Perdeda, banues në Spanjë, i cili mbante kontakt me kreun e grupit përmes pajisjeve të kriptuara dhe merrte urdhra. Paralelisht, “Stavros Triantis” kishte komunikim me shërbimin e tij, ku kanalizonte informacionin lidhur me lëvizjet e kartelit.
Udhëtimi i rrezikshem nisi nga porti i Tenerifes, ku lundroi veliera me 4 dhjetor 2018. U zhvilluan takime në Shqipëri dhe në Barcelonë që të jepeshin drejtimet e nevojshme dhe kokaina u ngarkua në velierë në detin e Karaibeve. Pagesa për transportin ishte bërë nga një shtetas arab qëë banon në Spanje dhe konsiderohet një nga kreret e organizatës. Pagesa u bë me këste përmes një banke shqiptare nga një shqiptar që deklarohej si tregëtar me jashtë.
Ngarkesa do të vinte në Spanjë, por karteli u informua për kontrolle të policise spanjolle dhe ndërroi destinacion për në plazhet e Prevezës dhe më pas në Astako, ku kishin marrë me qera dhoma ku do të mbahej kokaina. Aty u kaëen nga policia greke.
Nga 8 të arrestuarit, Sandër Pema ishte krahu i djathtë i kreut të organizatës. Një tjetër shqiptar dhe një grek 28-vjeç ishin përgjegjës për listpagesat. Një maroken ishte përgjegjës për marrjen e drogës nga furnizuesit dhe shpërndarjen e tyre tek pjesëtarët e tjerë të organizates. Një tjetër shqiptar kishte rol koordinues me kreun e grupit në Spanjë, ndërsa një grek 46-vjeç bashkë me dy shqiptarë dhe një person ende të paidentifikuar, ishin përgjegjës për masat e sigurisë gjatë transportit të drogës. Ndërsa një shqiptar me banim në Spanjë ishte përgjegjës për sigurinë e krerëve të organizatës.
Dy oficerët e infiltruar grekë të Drejtorisë së Antidrogës në Athinë, kishin depertuar në organizatën kriminale prej shtatorit 2018 pa e kuptuar askush dhe jetuan për rreth 1.5 vite në velierë për të transportuar drogë nga Karaibet në Evropë dhe përfundimisht kontribuan si askush në çmontimin e një organizate kriminale të rrezikshme me veprimtari ndërkombëtare.
Sapo ngarkesa e kokaines “shkeli” tokën greke, një tjetër polic i infiltruar me pseudonimin “Jorgos Grigoriu”, depërtoi në qark. Urdhri që mori nga pjesëtaret e grupit ishte që të shkonte në Prevezë ku ishin anëtarët e tjerë, të gatshem për marrjen e drogës, e cila do të bëhej në 24 janar 2020. Nga këta të fundit ai duhet të merrte një pjesë të parave për dorëzimin e kokainës.
Në Prevezë, “Grigoriu” u takua me grekun P. B, i cili i dorëzoi një qeskë kartoni duke i thënë se nuk dinte se çfarë kishte brenda. Kur oficeri i policisë u kthye tek shërbimi i tij dhe hapi qeskën, zbuloi se kishte brenda 109.550 euro.
Disa orë më vonë dhe pasi u zgjidhën “detajet” e fundit për pjesën tjetër të parave, takimi përfundimtar u la në shtëpinë në Astako ku ishte ruajtur kokaina. Atje, sapo doli një anëtar i grupit për të dhënë shumën e mbetur, njerëzit e policisë dhe forcat speciale EKAM ndërhynë. /sarandacity.al/
