Në një konferencë mbi informalitetin, kryeministri Rama tha se do pyetej opinion nëse do që pagat e gjithësekujt të bëhen publike një herë në vit për hir të transparencës.
Por më shumë se kaq, ai paralajmëroi një investigim shtetëror mbi (pa)përputhshmërinë e stilit të jetës me të ardhurat, ku më kryesorja janë shtëpia dhe makina.
Sipas tij, nuk mund të kesh shtëpi e makine të shtrenjtë, për sa kohë ke një rrogë që nuk i justifikon ato.
“Ne do shkojmë në tutje në ballafaqimin e pagave te deklaruara me stilin e jetesës, kjo vlen për ata që marrin paga të larta dhe që i shmangen deklarimeve në mënyrë të ndryshme.
Ka një axhustim për t’u bërë, me mbylljen e asaj hapësire ku luhet nga individët për t’u shfaqur si subjekte fizike, por përtej kësaj do ecim me kontrolle që synojnë gjetjen e boshllëqeve midis deklarimit të ardhurve dhe stilit të jetesës.
S’mund të kesh të ardhura x dhe të kesh shtëpi e vetura që nuk bëhen kurrë me ato të ardhura”, tha kreu i qeverisë. /tesheshi.com/
