Lëvizja për Turizmin në Ksamil lajmëron për një bashkëpunim të saponisur me ekspertin bimor Kristo Kauri. Qëllim është që për herë të parë të dihet se ç’florë e faunë ka Ksamili.
“Në mbledhjen e tretë të komisionit të monitorimit u diskutua dhe, me vendosmërinë e Ing. Kristo Kauri, u dakordësuar që të bëjmë një studim dhe të krijojmë një bazë të dhënash mbi florën dhe faunën që rriten në ishuj.
Kjo bazë të dhënash do t’i shërbejë industrisë së turizmit(guidave turistike, varkëtarëve vendas që ofrojnë shërbimin e transportit detar), studimeve shkencore dhe shkollave të rajonit për arsye edukimi.
Për të mbështetur këtë iniciativë u vetofruan ING Mjedisi Gazment Dema dhe ING Mjedisi Kevin Gjika. Faleminderit!
Ky aktivitet zhvillohet në kuadër të projektit “Ksamil i pastër” i cili zbatohet nga shoqata “Lëvizja për Zhvillimin e Turizmit” Ksamil me financim të Lëviz Albania, një projekt i Agjencisë Zvicerane për Zhvillim dhe Bashkëpunim, SDC”, njofton kjo lëvizje në faqen e saj. /sarandacity.al/
