Ish-Bujqësorja e trishtueshme e Delvinës: a mund të qe kjo Akademia e Çobenjve?

Ajo përbën një ndër nostalgjitë më të mëdha ndaj së shkuarës, gjithashtu një ndër keqardhjet më të mëdha që nuk ekziston më, apo se ka përfunduar si mos më keq, në një gërmadhë.

Shkolla e dikurshme bujqësore e Delvinës, te e cila, pak ditë më parë, qenë aty për ta ringjallur kujtimet e së shkuarës një grup ish-nxënësish të saj, bërë bashkë si dikur.

Çështja është se askush nuk flet më për të, politika në këtë rast. Flitet për zhvillimin e bujqësisë, agroturizmin, por jo për ata që duhe të arsimohen për t’ju përgjigjur kësaj të ardhmeje ekonomike të Shqipërisë, siç pretendohet nga qeverisja aktuale.

Në fakt, te Rama në opozitë ka qenë ideja e një shkollë apo instituti agroturizmi në zonë, ngacmuar më tepër nga Xara, por deri më tani as është bërë realitet e as folur madje mbi të.

Por nëse do bëhej ky institucion arsimor, ky do qe vendi ideal, pra ish-shkolla bujqësore e Delvinës, edhe nga fakti se do qe një prej mënyrave për ta ringjallur ekonomikisht.

Dhe, meqë është përfolur së fundi një akademi çobenjsh, ide e ministers së Bujqësisë, ja ku është vendi ideal, edhe për këtë ide. /sarandacity.al/