Italianët që zgjedhin Shqipërinë: Asnjë plan kthimi!

Nuk janë turistë, por qytetarë të Durrësit, për gati një viti. Alfio dhe Pinuçia kanë vendosur që të shijojnë vitet e pensionit në Shqipëri.

“Rastësisht pamë në youtube video të Shqipërisë, erdhëm e vizituam dhe na pëlqeu dhe vendosëm të blejmë një shtëpi në Durrës, duke u kthyer në shtëpinë tonë”, shprehen ata.

Në Itali nuk ndiheshin të sigurt, pasi janë shtuar emigrantët. Kjo ishte dhe arsyeja kryesore që morën këtë vendim.

“Ashtu si në çdo vend të botës dhe këtu ka krime, por më pak se në Itali. Në Itali një vajzë nuk ecën dot në rrugë vetëm, sidomos në orët e vona. Ndërsa këtu shohim të reja që lëvizin dhe nuk i shqetëson askush”.

Çifti italian, marrin pension në Itali. Por nëse e krahasojmë në çmimet këtu, për ta çdo gjë është 60% më lirë se në vendin e tyre.

Unë marr rreth 3600 euro pension në Itali, pa përfshirë taksat. Ndërsa unë marrë rreth 1500 euro në muaj. Këtu vetëm me pensionin tim mund të bëjmë një jetesë shumë të mirë, pasi më këtë shumë çdo gjë është më e lirë.

Alfio dhe Pinuçia, nuk janë italianet e vetëm në Durrës. Na tregojnë se kanë shumë miq nga vendi i tyre.

“Në Durrës ka më shumë italianë sesa shqiptarë. Jemi vërtetë shumë. Kemi dëgjuar që dhe në Tiranë ka shumë italianë. Është një vend i qetë për të jetuar këtu, prandaj pensionistët si ne e preferojnë”, thonë ata.

Rikthimi në Itali, nuk është pjesë e planeve.

“Në Itali do të kthehemi, por si turistë. Ne jemi shqiptarë tani”, theksojnë ata

Janë më shumë se 300 italianë, që kanë zgjedhur të jetojnë në Durrës. /EuronewsAlbania/