Një 27-vjeçare nga Saranda është mes jetëhumbjeve të 24 orëve te fundit nga COVID-i, sipas evidencës së përditshme zyrtare. Për momentin, identiteti i saj dhe specifika të tjera nuk dihen.
“Me gjithë përpjekjet e mjekëve, në 24 orët e fundit nuk e kanë fituar betejën me COVID19, 7 qytetarë: një qytetare nga Saranda 27 vjeçe, katër qytetarë nga Tirana të moshave 44-80 vjeç, një qytetar nga Librazhdi 62 vjeç, një qytetare nga Berati 82 vjeçe”, thuhet në njoftimin zyrtar.
Ajo është ndër moshat e reja që kanë humbur jetën në këtë valë të re infektimesh, e cila u rikthye në fund të gushtit pas javësh me shifra tejet të ulëta.
E sipas, të dhënave të deritanishme, është dhe mosha më e re që ka humbur jetën në Sarandë që nga shfaqja e pandemisë. /sarandacity.al/
