Si kudo në një pjesë të botës, edhe në Shqipëri, teksa vëmendja është përqendruar në Ukrainë, një lloj lufte e çmendur edhe me jetëhumbje vijon në rrugët shqiptare.
Jo thjesht aksidente nga ato të zakonshmet në rrugë nacionale apo autostrada, shkaktuar nga shkelje të rregullave të qarkullimit, por nga birbo në timon, të dehur apo droguar, që ecin si të çmendur në qendra urbane, duke marrë jetë pikërisht aty.
Rasti më i fundit u regjistrua mbrëmjen e së mërkurës në aksin Qerret – Durrës, ku një 18-vjeçare e quajtur Floriana Kolgjini, humbi jetën pikërisht nga çmenduri të tilla.
Më saktë, nga përplasja e dy automjeteve, një Tuaregu e një Benzi, ku një nga automjeet doli nga rruga e hipi mbi trotuar, ku ndodhej viktima me të motrën. /sarandacity.al/
