Kryedemokrati Basha pretendoi sërish gjatë një fjalëmbajtje në parlament se të jetëhumbjet nga COVID ishin shumë më tepër se ç’ka raportuar qeveria.
“…Kanë gënjyer për jetët e humbura. Para 6 muajsh ishin plot 16 mijë qytetarë që nuk janë më në shtëpitë e atyre që kanë humbur të dashurit e tyre dhe jo shifra rrenacake e raportuar nga qeveria e rrenave.
Edhe në raportin e Komisionin Evropian konfirmohet kjo kur thuhet se Shqipëria ka shtesën më të madhe të shtesës së të vdekurve”, tha Basha.
Por zv.kryeministri Arben Ahmetaj tentoi ta sfidojë të parin e opozitës, duke e pyetur.
“Ku i gjetët, i morët nga statistikat zyrtare?
Përballë pandemisë ne nuk jemi Zoti dhe fatalitet ishin prezent, por më të ulëta se në shumë vende të rajonit dhe botës”, tha Ahmetaj. /tesheshi.com/
