Një 20-vjeçar shqiptar, nën akuzë për bashkëpunim në vrasjen e një 19-vjeçari në Selanik, Alkis Kampanos, thuhet se është arratisur drejt Shqipërisë.
Mediat greke bëjnë me dije se shqiptari ka kaluar dhe është futur në Shqipëri për t’i shpëtuara arrestimit. Kjo ka ndodhur të enjten.
Policia e Sigurimit të Selanikut ka arritur ta identifikojë mesditën e djeshme bahskëpuntorin në vrasjen e 19-vjeçarit. Kur kërkuan emrin e tij në bazën e të dhënave të EL.AS (Policia Greke), ata u befasuan kur zbuluan se ai kishte udhëtuar për në Shqipëri një natë më parë.
20-vjeçari është mik i ngushtë i 23-vjeçarit shqiptar i cili është arrestuar dhe po mbahet në Komisariatin e Selanikut për vrasjen e Alkisit. Ata të dy i përkasin të njëjtës grup tifozësh.
Në mars 2019, të dy shqiptarët sulmuan disa tifozë në të njëjtin vend ku u vra Alkis.
Policia greke pritet të shpallë në kërkim ndërkombëtar 20-vjeçarin, për të bërë të mundur arrestimin, ekstradimin dhe dënimin e tij. /sarandacity.al/
