Hapja më e plotë e Kakavijës dhe e Kapshticës gjatë kësaj fundjave ka sjellë një rritje të numrit të hyrje-daljeve me fqinjin jugor.
Autoritetet greke i dhanë fund mbylljes së tyre në datën 2 korrik, ku për shtetasit që do të përdorin këto pika kufitare me vete duhet të kenë tamponin e COVID—it e gjithashtu të kenë plotësuar formularin online PLF.
Përgjatë 2 ditëve. nga pika e kalimit të Kapshticës kanë hyrë dhe kanë dalë rreth 3300 shtetas te huaj dhe shqiptarë.
Vetëm gjatë 24 orëve të fundit sipas drejtorisë vendore te kufirit dhe migracionit nga kjo pikë kanë hyrë 1247 dhe kanë dalë 814 shtetas.
Ndërkohë që dyndje lëvizjesh ka pasur në orët e para të kësaj të diele edhe në Kakavijë. /sarandacity.al/
