Kryeplaku i fshatit Frashër në Përmet (i lavdishëm prej vëllezërve Frashëru), është arrestuar nga Policia pas një aksioni të zhvilluar në këtë zonë. Fjala është për Klodjan Mustafa, 43 vjeç, i cili dyshohet se në bashkëpunim me inspektorë të Policisë nuk ka raportuar për parecelat me drogë.
Ndërkohë, në masën e sigurisë “Detyrim paraqitje” janë lënë dy policët, Dhimitër Shyti dhe Maltin Dalilaj, me detyrë SPZ në zonën e Frashërit. Po në këtë masë sigurie është lënë nga Prokuroria e Përmetit dhe inspektori i Zonave të Mbrojtura, Joan Allamani.
Shërbimi për Çështjet e Brendshme dhe Ankesat në Drejtorinë e Vlorës, ka sinjalizuar për këtë aktivitet të paligjshëm ku ishin përfshirë dhe punonjës policie.
Dje është pezulluar nga detyra deri në sqarimin e ngjarjes shefi i Komisariatit të Përmetit Petrit Gjokaza, dhe në vend të tij është komanduar Vilson Dine, shefi aktual i Policise Kriminale në Përmet.
Në masën e sigurisë “Arrest në shtëpi” mbahet ish-shefi i krimeve të Komisariatit të Përmetit, Shpëtim Makashi. /tesheshi.com/
