Kandidati Niko Kuri injekton optimizëm fetar te elektorati: Koha për Ringjallje!

Në një mesazh të radhës pas një takimi elektoral, kandidati Niko Kuri e ka ndërlidhur atë edhe me Pashkët.

Pos kësaj, ai shpreh optimizëm në lidhje me situatën COVID.

“Në takimet me banorët e Tremulit, Neohorit, Jermës, Halos, Kalivjas, Çaushit krahas problemeve të zhvillimit, të punësimit apo të sigurisë, u ngrit edhe pamundësia e ardhjes së familjeve nga emigracioni tek shtëpia e tyre  për shkak të izolimit total nga koronavirusi. Të moshuarit ndjehen të vetmuar dhe kërkojnë që njerëzit e tyre të dashur t’i kenë pranë këtë muaj të bekuar të Pashkëve.

Uroj që shumë shpejt ekspertët të japin lajmin e mirë uljen e rasteve të shfaqura dhe njerëzit të lëvizin lirshëm.

Ne si mjekë  jemi këtu dhe do vazhdojmë të japim si gjithmonë kontributin e duhur jo vetëm për mbrojtjen e shëndetit fizik të njerëzve por edhe për mbështetjen e tyre psikologjike.

Le t’i besojmë Ringjalljes!”, shkruan kandidati i mazhorancës. /sarandacity.al/