Anila Denaj, kandidate për deputete e Partisë Socialiste në Sarandë ka zhvilluar një takim me sipërmarrës të qytetit.
“Ndamë bashkërisht programin ekonomik të Partisë Socialiste, që në bazë ka zhvillimin e sipërmarrjes, rritjen e vendeve të punës dhe mirëqenien.
Reformat që po ndërmarrim siç është fiskalizimi, do të ulë kostot, reduktojë informalitetin dhe kontaktet me administratën tatimore”, është shprehur Denaj pas këtij takimi.
Më pas, znj. Denaj ka vijuar me takimin me banorët në lagjen Gjashtë ku shprehet e bindur se vota në 25 prill do të jetë për Partinë Socialiste.
“Angazhimi ynë është që në #mandatin3 të çojmë përpara reformat e nisura dhe të shtojmë investimet në këtë zonë, për shërbime më të mira”, shkruan Denaj pas këtij takimi në faqen e saj të Facebook-ut.
Rruga e Gjashtës është një gangrenë e përditshme për banorët e saj, boshatisja e koshave të mbeturinave jo në kohën e duhur dhe furnizimi me ujë vazhdojnë të jenë një problem i përditshëm. /sarandacity.al/
