Aksi i ri Kardhiq-Delvinë, ende pa u futur në funksion, ka shënuar aksidentin e parë.
Në orët e para të mëngjesit ka ndodhur një aksident në afërsi të tunelit pranë rrugës së re për në Sarandë përmes urës së Kardhiqit.
Nga informacionet paraprake bëhet e ditur se një automjet ku po udhëtonin tre turistë amerikanë ka dalë nga rruga. Si pasojë, ata kanë pësuar dëmtime, por pa rrezik për jetën.
Nga hetimet e deritanishme, dyshimet janë se tre turistët kanë ngatërruar rrugën për shkak të mungesës së sinjalistikës. /sarandacity.al/
