Kadastra shqiptare njofton për dy konsultime publike për çështje pronësore që pritet të jetë së shpejti.
Njoftimi vjen në funksion të ofrimit të dokumentacionit nga të interesuarit, si kusht për të qenë pjesë e procesit.
“Në kuadër të regjistrimit fillestar të pasurive të paluajtshme në DVASHK, Sarandë, Kadastra Shqiptare njofton:
Pas përfundimit të punimeve fushore dhe administrimit të dokumentacionit shtetëror për aktet e pronësisë në Zonën Kadastrale 2518 fshati Lukovë, Bashkia Sarandë, është pregatitur regjistri kadastral për këtë zonë, Blloku 1 dhe 2, ku rezultojnë 1105 pasuri të paluajtshme. Në zbatim të Urdhrit Nr.1081 dt. 16.06.2021, të Drejtorit të drejtorisë vendore të ASHK-së Sarandë, prej datës 21.06.2021 fillon konsultimi publik i të dhënave të regjistrimit fillestar për ZK.2518 Lukovë-(Blloku 1dhe 2). Konsultimi publik për këto pasuri do të kryhet për një periudhë kohore 45 ditore dhe 𝐝𝐨 𝐭ë 𝐩ë𝐫𝐟𝐮𝐧𝐝𝐨𝐣ë 𝐦𝐞 𝐝𝐭 𝟎𝟒.𝟎𝟖.𝟐𝟎𝟐𝟏.
Gjatë kësaj periudhe, në zyrën e konsultimit publik mund te depozitohen dokumentacion pronësie si dhe çdo pretendim apo ankesë në lidhje me të dhënat e pronësisë të shpallur.
Harta kadastrale dhe të dhënat e pronësisë do të jenë të afishuara në zyrën e informacionit me adresë godina e njësisë administrative Lukovë, si dhe në faqen e internetit ëëë.ashk.gov.al
Në rast se, pas konsultimit të hartës kadastrale, do të keni paqartësi apo ankesa mund të shkruani për sqarime pranë adresës tonë email: [email protected]
Përjashtimisht, në rastet kur do të jetë e nevojshme depozitimi i dokumentacionit origjinal të akteve të pronësisë, ai do të dorëzohet sipas procedurës ligjore të pranimit të dokumentave pranë DV.ASHK Sarandë.
Te gjithë titullmbajtësit janë të mirëpritur të ndjekin procesin e konsultimit publik për të përfunduar më sukses këtë proces dhe pajisjen me certifikatë pronësie”, thuhet në njoftimin zyrtar. /sarandacity.al/
