Në sapodaljen nga Bashkia e Delvinës, Presidenti Bajram Begaj u takua me një grup polifonik, që lëvron këngën e zonës, duke dhënë vlerësime për ta, për vijimin e një tradite që lidhet me një rezurs të vyer kulturor, siç është polifonia.
Por nga njëri prej anëtarëve të grupit, kreu i shtetit u ndesh me një kërkesë të pazakontë, jo të natyrës artistike por sportive.
Ai i kërkoi Presidentit që të ndërhynte për t’ja hequr një dënim ekipit dhe tifozerisë së Delvinës – Bistricës – duke e quajtur atë të padrejtë.
Presidenti nuk dinte se si t’i përgjigjej kësaj kërkese, të cilën e dëgjoi gjithsesi me shumë dashamirësi, duke e mirëkuptuar këngëtarin polifonik në shqetësimin e tij sportiv. /sarandacity.al/
