Fëmijë të komunitetit rom në Çukë, iu gëzuan një gostie për festa, mundësuar nga një këshilltar bashkiak i Sarandës. Konkretisht nga Dritan Peci.
Ata janë nxënës të shkollës së Çukës nga ky komunitet. Nuk qe vetëm një gosti por dhe një festë, pasi gjithçka u mundësua në një atmosferë festive, me dekorin tipik të ndërrimit të viteve, ku nuk mungoi dhe babagjyshi, veshur si i tillë nga njëri prej fëmijëve.
Për festën ishte “Harris” që ofroi ambienetet e veta, ku gëzuan ata që më së shumti kanë nevojë për humanitet e solidaritet, fëmijët.
Të tillë nga komuniteti rom Çuka i ka me shumicë dhe, çdo ndihmë ndaj tyre, si në këtë rast, është kontribut për t’jua bërë jetën më të gëzueshme. /sarandacity.al/
