Kisha kujton koncertin e Teodhorakisit në Tiranë: defekti që la Janullatosin pa mikrofon…

Ditë pas ndarjes nga jeta të Mikis Teodhorakis, kompozitorit më të madh grek edhe me famë botërore, Kisha Orthodokse ka kujtuar koncertin e orkestrës me emrin e tij në Tiranë, dhënë në nëntor të 2017-ës.

Sipas Kishës, Teodhorakis ruante ndenja miqësie me Shqipërinë që kur kush qenë më parë në ’88-ën.

“Ishte e shtunë, 18 nëntor 2017, kur në Amfiteatrin e Qendrës Kulturore të Kishës Katedrale ‘Ngjallja e Krishtit’, në Tiranë, Orkestra ‘Mikis Theodhorakis’ dha një koncert të paharrueshëm për publikun e kryeqytetit. Këngëtarët Sofia Papazoglu dhe Kostas Makedhonas interpretuan pjesë nga këngët më të njohura të kompozitorit të madh grek me famë botërore. Organizimin e koncertit e mori përsipër Kryepiskopata e Tiranës e Kishës Orthodhokse Autoqefale të Shqipërisë, nëpërmjet Lidhjes së Intelektualëve Orthodhoksë. Miki nuk mundi dot të ishte i pranishëm, edhe pse ishte i ftuari zyrtar kryesor.

Aktivitetin e prezantoi shkrimtari Minas Vindiadhis dhe në vazhdim vajza e kompozitorit, Margarita, lexoi letrën përshëndetëse të Miki Theodhorakis për Kryepiskopin Anastas. Në letrën e tij, kompozitori e falënderonte Fortlumturinë për krijimin e mundësisë që të zhvillohej ky koncert. Gjithashtu, ai shprehte ndjenjat e tij të sinqerta të miqësisë për popullin shqiptar, si edhe gëzimin e emocionet që vetë ai kishte ndjerë para shumë vitesh, kur kishte vizituar Shqipërinë.

Koncerti kishte ngjallur interes të madh dhe numri i atyre që dëshironin me të drejtë ta ndiqnin e kalonte kapacitetin e amfiteatrit, por organizatorët krijuan të gjitha kushtet që admiruesit e muzikës greke të hynin në sallën e koncertit, ndërsa në ambientin përreth u vendosën ekrane të mëdhenj”, thuhet nga Kisha.

Po aty vihet theksohet dhe një detaj, ai i një defekti teknik në foni, gjatë së cilës po fliste Kryepeshkopi Anastas.

“Edhe pse pa mikrofon, për shkak të një defekti të papritur teknik, fjalët e Kryepiskopit të Kishës Orthodhokse të Shqipërisë, Anastasit, u dëgjuan të fuqishme, prekën zemrën e publikut, aq sa mendoje se po mbante frymën gjatë kohës që po fliste Kryepiskopi për të vërtetën, bukurinë, dashurinë, triptikun që duhet të ndriçojë dhe të përcaktojë jetën tonë”, thuhet ndër tyë tjera nga Kisha Orthodokse. /sarandacity.al/