Kjo ishte familja e Bilal Xhaferrit: ku është ai vetë?

Një faqe në FB me emrin e poetit të madh çam Bilal Xhaferri, ka ofruar një foto kur ky i fundit ishte në moshë të njomë, pozuar me familjen e tij.

“Kjo foto antike është rreth 82-vjeçare e bërë që në vitin 1935 kur ka lindur shkrimtari Bilal Xhaferri.

Ai me çallmë është gjyshi i tij nga mamaja. Ka mbaruar Gjimnazin Zeosimea në Janinë (ku kanë studiuar rilindasit).

Pas gjimnazit (Musa Myrto Seiti), bëri studimet e larta në Kajro për Teologji. Më pas studioi (mori gradën më të lartë në Teologji- Doktoraturë), në Bagdat. Njihte 6 gjuhë të huaja.

Në të majtë të tij ndodhet gjyshja e tij Vita dhe në krah të saj mamaja e Bilalit, Ilmua me Bilal Xhaferrin në dorë. Në krah të djathtë ndodhet tezja Fatua e tij me fëmijët e saj.

Kjo foto është ruajtur me kujdes dhe dashuri prej kaq vitesh nga vajza e vogël e kësaj shtëpie të madhe, Antika Hoxha (Xhaferri)”, informohet nga kjo faqe. /sarandacity.al/