Komiteti COVID kthen maturantët në klasa, po të tjerët?

Komiteti Teknik COVID vendosi që maturantët  të rikthehen sërish në klasa dhe të mos ketë për ta mësim online. Kjo masë, sipas ekspertëve. vjen si rrjedhojë e uljes së lehtë të indicedës së infektimeve dhe se grupmosha 15-20 vjeç kanë një rezistencë më të madhe ndaj virusit.

“Duke u bazuar në analizën e shifrave ekspertët mendojnë që situata është e qëndrueshme në tendencën për uljen e inciendcës dhe shtrimin në spitaleve dhe në numrin e jetëve të humbura, por shifrat nuk janë aty ku duhet që të jenë për të liruar situatën.

Prandaj mendojmë që masat të qëndrojnë me përjashtim të faktit që duke u bazuar në shifrat e infeksionit në grupmoshën në 15-20 vjeç duke marrë parasysh rezultatet me arsim në kushtet në momentin që zhvillohet mësimi akademik, maturat të zhvillojnë mësimin në klasë. Kjo masë do të mbahet në vëzhgim. Maturat duhet të zbatojnë me rigorozitet protokollet e mbrojtjes”, tha zv.ministrja Rakacolli.

Nga ana tjetër, nisja e vaksinimi masiv në të gjithë vendin dhe arsimtarëve jep mundësinë që të bëhet një lehtësim i masave për këtë grupmoshë dhe se maturantët të kthehen  të bëjnë mësim në shkolla. Mësimi do të vazhdojë online për të gjitha pjesët e tjera të sistemit arsimor, që do të thotë pra se lehtësimi është vetëm për maturantët.

Ndërsa masat e tjerë mbetën në fuqi. Ato janë:

-Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania.

-Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery).

-Nisur nga rritja e rasteve të infektimeve të reja në grupmoshën 15-24 vjeç, shkollat e mesme vijojnë me skenarin e tretë, pra atë online ne zonat e riskut të lartë.

-Universitetet vijojnë online

-Pezullim të fluturimeve me Britaninë e Madhe. /sarandacity.al/